മൊഹാലി: ക്രിക്കറ്റ് ചരിത്രത്തില് സമാനതകളില്ലാത്ത ഇതിഹാസമെന്ന് പേര് രേഖപ്പെടുത്തി രോഹിത് ശര്മ്മ. ഏകദിനത്തില് മൂന്ന് ഇരട്ട സെഞ്ചുറികള് നേടിയ ആദ്യ താരമായി രോഹിത്. നായകനായിരിക്കെ ഇരട്ട സെഞ്ചുറി നേടിയ ആദ്യ താരമെന്ന നേട്ടവും രോഹിത് അടിച്ചെടുത്തു. കരിയറിലെ മൂന്ന് ഇരട്ട സെഞ്ചുറികളില് രണ്ടെണ്ണം ശ്രീലങ്കക്കെതിരായിരുന്നു. സെവാഗിന് ശേഷം ഇരട്ട സെഞ്ചുറി നേടുന്ന രണ്ടാമത്തെ നായകനുമായി രോഹിത്.
ഓസീസിനെതിരെ 2013ല് നേടിയ 209 റണ്സും 2014ല് ശ്രീലങ്കക്കെതിരെ കുറിച്ച 264 റണ്സുമാണ് രോഹിതിന്റെ മുന് ഇരട്ട സെഞ്ചുറികള്. ഏകദിനത്തിലെ ഉയര്ന്ന വ്യക്തിഗത സ്കോറാണ് ശ്രീലങ്കക്കെതിരായി ഈഡന് ഗാര്ഡനില് നേടിയ 264 റണ്സ്. ഏകദിനത്തില് 150 റണ്സ് സ്കോര്ചെയ്ത ആദ്യ താരമെന്ന നേട്ടവും രോഹിത് സ്വന്തമാക്കിയിരുന്നു. ഏകദിനത്തില് അഞ്ച് താരങ്ങള്ക്ക് മാത്രമാണ് ഇതുവരെ ഇരട്ട സെഞ്ചുറി നേടാനായിട്ടുള്ളത്. മൊഹാലിയില് പുറത്താകാതെ 153 പന്തില് നിന്ന് 208 റണ്സ് രോഹിത് അടിച്ചെടുത്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
